Share

20 வயது மதிக்கதக்க இளம் பெண் சூட்கேஸ்சில் வைத்து எரித்து கொலை

தமிழகத்தின் சேலம் மாவட்டத்தில், ரயில் நிலையம் அருகே 20 வயது மதிக்கதக்க இளம் பெண் சூட்கேஸ்சில் வைத்து எரித்து கொலை செய்யப்பட்ட சம்பவம் அப்பகுதியில் பரபரப்பை ஏற்படுத்தி உள்ளது.

சேலம் மாவட்டத்தில் முக்கிய ரயில் நிலையத்திற்கு மிக அருகே உள்ள ரெட்டிப்பட்டி மேம்பாலத்திற்கு அடியில் உள்ள முட்புதரில் முழுவதுமாக எரிந்த நிலையில் சடலம் ஒன்று இருப்பதாக சேலம் சூரமங்கலம் காவல்துறையினருக்கு தகவல் கிடைத்தது.

இதனையடுத்து சூரமங்கலம் காவல் ஆய்வாளர் செந்தில்குமார் தலைமையில், சம்பவ இடத்திற்கு விரைந்து சென்ற காவல்துறையினர், விசாரணை மேற்கொண்டனர்.

அப்போது இருபது வயது மதிக்கத்தக்க இளம்பெண்ணை வெட்டி பெரிய அளவிலான சூட்கேஸ் ஒன்றில் வைத்து எரித்து விட்டு சென்றுள்ளது தெரியவந்தது.

மேலும், சம்பவ இடத்திற்கு கைரேகை நிபுணர்களும், தடவியல் நிபுணர்களும் வரவழைக்கப்பட்டு விசாரணை நடத்தபட்டது. உடல் முழுவதும் எரிந்த நிலையில் இருப்பதால் இறந்தவர் யார் என்பதை கண்டறிவதில் சிக்கல் நீடிக்கிறது.

இளம்பெண்ணை பாலியல் தொல்லைக்கு உட்படுத்தி கொடூரமான முறையில் கொலை செய்து உடலை எரிந்திருக்கலாம் என்ற கோணத்தில் தற்போது பொலிசார் விசாரணை மேற்கொண்டு வருகின்றனர்.

Leave a Comment